ઉપવાસમાં ખાઈ શકાય તેવા ફરાળી ગુલાબ જાંબુ બનાવો ઘરે,જાણો ફરાળી ગુલાબ જાંબુની એકદમ ઇઝી રેસિપી

અત્યારે શ્રાવણ મહિનાના ઉપવાસ ચાલી રહ્યા છે ત્યારે ભગવાનને ધરાવવા માટે પણ આપણે અલગ- અલગ મિઠાઇ બનાવતા હોઇએ છે, તેની સાથે જ વ્રતમાં ઘણી બધી વસ્તુઓ ખાવાની ના હોય છે ત્યારે મનપસંદ મિઠાઈ ખાવાનું મન થતુ હોય છે. અને એમા પણ ગુલાબ જાંબુ એક મિઠાઈ છે જે સૌવની પ્રિય છે.

ત્યારે ઉપવાસમાં તો આપણે ગુલાબ જાંબુ ખાઇ નથી શક્તા પણ જો ફરાળી ગુલાબ જાંબુ મળી જાય તો તેની વાત જ અલગ હોય છે, ત્યારે બનાવીએ ઉપવાસમાં ખાઇ શકાય તેવા ફરાળી ગુલાબ જાંબુ

સામગ્રી

  • 250 ગ્રામ માવો
  • 4 ટેબલસ્પૂન સિંધાડાનો લોટ
  • 5-6 કાજૂ
  • 1/2 ટીસ્પૂન એલચી પાઉડર
  • તળવા માટે ઘી
  • 1/4 ટીસ્પૂન બેકિંગ પાઉડર
  • જરૂર મુજબ પાણી
  • 1 ટીસ્પૂન ખાંડ પાઉડર

બનાવવાની રીત

ફરાળી ગુલાબ જાંબુ બનાવવા માટે સૌથી પહેલા અમે ચાશની બનાવશું .તેના માટે એક વાસણમાં ખાંડ અને સવા 1 કપ પાણી નાખી મધ્યમ તાપ પર મૂકવું.10-12 મિનિટમાં ચાશની થઈ જશે. ત્યારે તેમાં એલચી પાઉડર નાખી મિક્સ કરી દો. અને તાપથી ઉતારી લો. ચાશની પરફેક્ટ બની છે કે નહી તપાસવા માટે એક ટીંપા લઈને આંગળી અને અંગૂઠાની વચ્ચે ચોંટાડીને જુઓ જો જાડું તાર બની રહ્યું છે તો સમજી લો કે ચાશની બની ગઈ છે. જો નહી તો થોડીવાર વધુ થવા દો.

હવે એક પેનમાં માવા નાખી 2-3 મિનિટ હલાવતા તેને નરમ કરી લો. તાપથી ઉતારીને ઠંડા કરી લો પછી તેમાં સિંઘાડાનો લોટ અને બેકિંગ પાઉડર મિક્સ કરી લો. તેમાં માવાના ગઠ્ઠાં બિલકુલ ન રહેવા જોઈએ,એ વાતનું ખાસ ધ્યાન રાખજો હવે તે મિશ્રણના મધ્યમ આકારના ગોળા બનાવી દરેક ગોળાના વચ્ચે એક કિશમિશ દબાવી તેને ફરી ગોળ બનાવી લો. કઢાઈમાં ઘીને સારી રીતે ગરમ કરો. પછી ગેસ ધીમો કરી તેમાં ગુલાબજાંબુ તળી લો.ગુલાબજાંબુને હંમેશા ઘીમાં તાપે તળવા જોઈએ નહિ તો તે ઉપરથી કાળા અને અંદરથી કાચાં રહી જશે. ગુલાબ જાંબુને હવે ચાશનીમાં નાખી દો. તૈયાર છે તમારી ફરાળી ગુલાબ જાંબુ.

The post ઉપવાસમાં ખાઈ શકાય તેવા ફરાળી ગુલાબ જાંબુ બનાવો ઘરે,જાણો ફરાળી ગુલાબ જાંબુની એકદમ ઇઝી રેસિપી appeared first on Gujju Media.