અર્જુન રામપાલના પત્ની મહેર સાથે થયા ડિવોર્સ

21 વર્ષના લગ્નજીવન બાદ અર્જુન રામપાલ અને મહેર જેસિયા ઓફિશિયલી છૂટા પડ્યા છે. બંનેના છૂટાછેડા થઈ ગયા છે. સહમતિથી કપલે મંગળવારે ફેમિલી કોર્ટમાં એકબીજાને ડિવોર્સ આપી દીધા. રિપોર્ટ પ્રમાણે, મુખ્ય જજ શૈલજા સાવંતે સ્પેશિયલ મેરેજ એક્ટ અંતર્ગત કપલના ડિવોર્સ મંજૂર કર્યા છે. જણાવી દઈએ કે, મહેર અને અર્જુને 30 એપ્રિલ 2019ના રોજ ડિવોર્સ માટે અરજી દાખલ કરી હતી. 6 મહિના બાદ તેમને ડિવોર્સ મળી ગયા છે.

હવે અર્જુનની બંને દીકરીઓ મમ્મી મહેર સાથે રહેશે. 2011થી જ મહેર અને અર્જુન વચ્ચે અણબનાવ થયો હોવાની ચર્ચા ચાલતી હતી. 2018માં તેમણે છૂટા પડવાની જાહેરાત કરી હતી. ત્યારબાદ અર્જુન ભાડાના ઘરમાં રહેવા ગયો હતો.અર્જુન રામપાલે 1998માં મહેર જેસિયા સાથે લગ્ન કર્યા હતા 28 મે 2018માં લગ્નના 20 વર્ષ બાદ તેમણે અલગ થવાનો નિર્ણય કર્યો હતો. હવે અર્જુન રામપાલ ગર્લફ્રેન્ડ ગેબ્રિએલા સાથે લગ્ન કરશે તેવી અટકળો છે. જો કે, હજુ કોઈ સત્તાવાર માહિતી સામે આવી નથી.થોડા સમય પહેલા જ અર્જુન રામપાલની ગર્લફ્રેન્ડ મહેરે દીકરાને જન્મ આપ્યો છે. દીકરાનું નામ એરિક પાડ્યું છે. અર્જુન દીકરા સાથે સમય વિતાવી રહ્યો છે. અર્જુન અને ગેબ્રિએલાની લવસ્ટોરીના વાત કરીએ તો તેમની મુલાકાત 2009માં આઈપીએલની આફ્ટર પાર્ટીમાં થઈ હતી. થોડા વર્ષો બાદ બંનેએ એકબીજાને ડેટ કરવાનું શરૂ કર્યુ હતુ.